O conxuro

"Crónicas dunha desmemoria" é un proxecto financiado polo Fondo de proxectos culturais Reino de Galicia da área de Cultura da Deputación da Coruña. Realizado por O Cable Inglés, conta coa colaboración de Edicións Xerais. Galicia esqueceu que houbo un día en que foi un gran reino, o primeiro reino europeo; tampouco lembra que a súa lingua era a máis culta e prestixiosa da península, e que os seus dominios se estendían polas terras que hoxe coñecemos como Castela, Asturias, Cantabria e Portugal. Desde o Castelo de Salvaterra, Irene comeza a repasar os feitos históricos que nos axudarán a atravesar o río do Esquecemento para recuperar a memoria colectiva e reescribir este capítulo da nosa Historia.

A orixe da nosa lingua guapa baséase nunha idea orixinal de Fina Casalderrey, autora dunha morea de historias que levan cativado varias xeracións de nenas e nenos. Damián Varela foi o director da orquestra a partir do guión asinado pola escritora e académica e a profesora Fátima R. Ruibal, a meiga-mestra que protagoniza esta película xunto ás verdadeiras estrelas: os nenos e as nenas do CPI Santa Lucía de Moraña que se converteron en actores e actrices para a ocasión. A película conta co apoio económico da Deputación da Coruña, patrocinadora de Primavera das Letras.

Escomenza un novo curso escolar e desde o Equipo de Dinamización da Lingua Galega queremos que tod@s o escomencemos con ilusión e con entusiasmo, sobretodo porque por fin este ano volvemos a recuperar a total normalidade da vida escolar.                             Feliz inicio de curso!!!

Esta curtametraxe realizada polo IES O Ribeiro de Ribadavia, co apoio da Secretaría Xeral de Política Lingüística (SXPL), dános a coñecer o labor a prol da lectura que realizan rapazas coma Irene, a protagonista, que no seu blog ‘Surfeando libros’ suxire acotío interesantes obras para o público máis novo. Nela tamén son de salientar outros temas, como o do valor da nosa lingua, o da importancia de coñecer idiomas, para enriquecernos culturalmente e mesmo aumentar as nosas perspectivas laborais e dedicarnos profesionalmente á tradución, e o da transcendencia de achegarlles as nosas obras literarias ao resto do mundo e amosar as obras literarias doutras culturas.