Simpático videoclip musical destinado ao público infantil sobre a base dun tema inédito da banda Música Miúda, "A avoa Lola", con letra e música de Óscar Martínez.

"Crónicas dunha desmemoria" é un proxecto financiado polo Fondo de proxectos culturais Reino de Galicia da área de Cultura da Deputación da Coruña. Realizado por O Cable Inglés, conta coa colaboración de Edicións Xerais. Galicia esqueceu que houbo un día en que foi un gran reino, o primeiro reino europeo; tampouco lembra que a súa lingua era a máis culta e prestixiosa da península, e que os seus dominios se estendían polas terras que hoxe coñecemos como Castela, Asturias, Cantabria e Portugal. Desde o Castelo de Salvaterra, Irene comeza a repasar os feitos históricos que nos axudarán a atravesar o río do Esquecemento para recuperar a memoria colectiva e reescribir este capítulo da nosa Historia.

Esta curtametraxe realizada polo IES O Ribeiro de Ribadavia, co apoio da Secretaría Xeral de Política Lingüística (SXPL), dános a coñecer o labor a prol da lectura que realizan rapazas coma Irene, a protagonista, que no seu blog ‘Surfeando libros’ suxire acotío interesantes obras para o público máis novo. Nela tamén son de salientar outros temas, como o do valor da nosa lingua, o da importancia de coñecer idiomas, para enriquecernos culturalmente e mesmo aumentar as nosas perspectivas laborais e dedicarnos profesionalmente á tradución, e o da transcendencia de achegarlles as nosas obras literarias ao resto do mundo e amosar as obras literarias doutras culturas.

O próximo venres 3 de xunio o grupo Tanxugueiras visitará Mos nun concerto de presentación da súa xira "Midas. Sera un concerto gratuito no Pazo de Mos as 22:00h.

Unha miniserie de divulgación científica en galego dirixida a infancia na que descubrirán o mundo da ciencia a través de curiosidades sobre a astronomía, a física, a bioloxía, a química ou as matemáticas.

                           

Contaxio  narra a viaxe polo dicionario desta palabra tan repetida actualmente e da súa relación coas demais. Este conto pretende sumar o seu grao de area para promover o dereito dos nenos, nenas e adolescentes á educación e a estar informados dos temas que lles afectan: un conto que fala da actualidade, das implicacións do coronavirus, un conto para a historia.