800 anos despois da súa partida o Pergamiño Vindel regresa a Vigo. Esta xoia bibliográfica da Literatura Galega Medieval é un manuscrito con sete Cantigas de Amigo do poeta Martín Códax. Este excepcional documento da música e da literatura medieval foi cedido pola Morgan&Library Museum de Nova Iork ao Museo do Mar de Vigo para a exposición " Berce da nosa cultura" da que constituira a peza fundamental. A exposición manteráse aberta desde outubro de 2017 a marzo 2018 polo que haberá tempo dabondo para unha merecida visita. Fai clik na imaxe para acceder o documento orixinal

O Ano Europeo das Linguas 2001, organizado de maneira conxunta polo Consello de Europa e pola Unión Europea, logrou implicar millóns de persoas nos 45 países participantes a través de actividades que celebraban a diversidade en Europa e que promovían a aprendizaxe de linguas. Desde esa data celébrase cada 26 de setembro co obxectivo de otorgar os idiomas a importancia que se merecen e fomentar a cultura no continente. FAI SOBRE A IMAXE PARA OBTER MÁIS INFORMACIÓN

CASTELAO , unha das figuras máis senlleiras das nosas letras e figura relevante da nosa historia do século xx, foi un home polifacético : médico, escritor, pintor e caricaturista, político e por riba de todo un gran amante da nosa nación galega. Desde aquí a nosa pequeña homenaxe. “Se aínda somos galegos/as é por obra e gracia do idioma”

Noraboa polo magnífico traballo realizado ao alumnado de 4º E P e as súas mestras Rosa e Cris .

Os Maios son unha das máis fermosas tradicións galegas, unha desas ancestrais festas do ciclo do ano tan estreitamente relacionadas co mundo agrario e a fertilidade da terra.        É unha festividade estreitamente  relacionada coa agricultura e a celebración do espertar da vida vexetal, do poder rexenerador da natureza que coincide coa chegada da primavera, do bo tempo, dos días máis longos e do comezo do ano agrícola.      Desde a escola, como todos os anos, tamén imos celebrar esta festa tradicional tan arraigada na nosa terra e para eso precisamos da vosa colaboración, sempre tan importante. Imos elaborar o noso maio e precisamos que traiades a escola: FIUNCHO, XESTAS, MARGARIDAS, ROSAS, CAMELIAS, PAMPILLOS, CALAS…     Este material deberá traerse á escola o MÉRCORES 3 DE MAIO  e será recollida nas aulas.