"BOS DÍAS PRINCESA"
Unha historia de vida onde se amosa que implicar é a clave para aprendizaxe permanente e significativa nas idades escolares. Fermosa curtametraxe feita no CEIP de Cespón- Boiro.
Rosalía 25-26
🌿 “Hábitat de Rosalía – CEIP Pena de Francia” 🌿 No CEIP Pena de Francia, onde esperta o corazón, medran versos polo patio coma herba tras o sol. Entre risas e cadernos, entre xogos e ilusión, hai unha voz que nos acompaña e que nunca di adeus. Entre montes e palabras hai memoria e hai raíz, unha chama pequeniña que nos ensina a vivir. Rosalía, hábitat do sentir, terra viva dentro de nós, no CEIP Pena de Francia soa forte a túa voz. Se o mundo pesa e doe máis, ti fas do pouco eternidade, flor valente, luz acesa, dignidade. Falaches de ríos e fontes, de morriña e de fogar, do caldo humilde que sabe a forza para loitar. E hoxe os nenos e nenas aprenden coa túa canción que na lingua e na tenrura latexa o corazón
